(ВИДЕО) Има 16 години и две деца, а во училиште е фантастична: „Тешко е, но си ги сакам децата!“

НЕКОГАШ е тешко да се усогласат семејните и деловните обврски, но има и жени кои многу порано се одлучуваат за мајчинството и жонглираат помеѓу учењето и воспитувањето на децата. Меѓу нив се и 16-годишната Ава Кинг од Индијана, самохрана мајка на 23-месечниот Џордан и осуммесечното девојче Аваја.„Тешко е, но јас ги сакам моите деца“, признала таа во виралното видео што го објави минатата година на TikTok, каде што ја следат повеќе од 117.000 луѓе.

Со помош на семејството и пријателите, оваа тинејџерка успева со голем успех да оди на училиште и да се грижи за две мали деца дома. Згора на тоа, се’ поверојатно е дека Ава ќе заврши средно училиште и ќе дипломира пред нејзините врсници.

Ава живее со својата мајка и сестрите, а нејзината баба понекогаш се грижи за нејзините деца. Иако некои ја критикуваат дека толку рано станала мајка, има повеќе кои се восхитуваат на нејзината упорност.
„Добро знам колку е тешко. Самата станав мајка како тинејџерка, завршив училиште и работев со полно работно време. Ти се восхитувам”, ѝ рекло едно лице.

Ава се појавила во епизода од My Extraordinary Family (Моето извонредно семејство). Таа забременила со своето прво дете кога имала 13. години.
„Освен што немав менструација, не доживеав никакви други симптоми на бременост. Пилулата ја испив ден потоа, но беше предоцна, па очигледно не делуваше“, рекла тогаш таа.

Таа го изгубила својот татко кога имала 11. години. Тој бил зависник од хероин. Се предозирал. Нејзиното момче ја изневерувало во текот на целата бременост, што таа го дознала дури подоцна. Таа се породила во февруари 2020 година. По породувањето, таа страдаше од постпородилна депресија. Шест месеци подоцна дознала дека е повторно бремена. Пиела апчиња за контрацепција, но очигледно не делувале, тврди таа.

„Бев преоптоварена. Седнав и плачев. Мислев дека можам да се справам со едно дете, но не со две. Се плашев дека нема да можам да им дадам доволно љубов. Не знаев што да правам”, се присетува таа.
На наговор на семејството го задржала детето. Таа не е во врска со татковците на нејзините деца. Денес, таа има и канал на YouTube каде објавува влогови за да им помогне на другите во слична ситуација.