Зоран и Снежана од Битола се брат и сестра кои завршиле факултет со 10 просек, тој е психолог, а таа правник. Сметаат дека државата со оглед на нивниот просек и компетенции уште по завршувањето требаше да ги вработи.
Но се останало на залудно аплицирање. Ги прашуваат партиите, дали со ова ги наведуваат кадрите со висок просек да заминат во странство бидејќи тука не им се дава никаква шанса.
-Во изминатите 10 години, и во време на СДСМ и во време на ВМРО ДПМНЕ имам аплицирано за работа на државни огласи, но просекот 10 не бил доволен да добијам вработување. Со оглед на тоа што и лидерот на власта и лидерот на опозицијата се доктори на науки, сигурно знаат што значи просек 10, и сигурно знаат дека инстелектуалците со висок просек својата шанса се повеќе ја бараат надвор од државата за да не дозволат нивните дипломи да се сведат на хартија за виткање бурек, вели Зоран Секуловски.
Зоран не е член на политичка партија. Снежана, барајќи можност да ги искористи своите компетенции пред 4 и пол години се зачленила.
-Се зачленив во СДСМ бидејќи верував дека кога ќе дојдат на власт ќе се изборат за тоа што го ветуваа, т.е. живот за сите и дека ќе им ги вратат од странство децата на мајките. Јас од нив не побарав да ме вработат партиски, јас само сакав да добијам можност според моите компетенциии и квалификации да се вработам и да придонесам во моето општество.
Во 2018 бев одбиена од ЦСР каде што аплицирав за правник иако ги исполнував сите услови. 4 години откако се на власт СДСМ јас се уште не ја добивам таа можност, вели Снежана Секуловска.
Пред 10 месеци почина нивната мајка која се грижеше за нивниот братучед, кој е работонеспособен и за кого веќе 10 години се води постапка за семејна пензија која тој не може да ја добие иако има правосилно решение од Управниот суд дека правото му следува.
Сега тие ја презедоа грижата за него. Снежана пак, морала заради сето ова да ги стави во мирување постдипломските студии.
ЦЕЛИОТ ТЕКСТ МОЖЕТЕ ДА ГО ПРОЧИТАТЕ НА SITEL.COM.MK
МОЖЕБИ ЌЕ ВЕ ИНТЕРЕСИРА:
