ЖЕНА која излегла на прошетка со децата на реката Мита во Викторија, Австралија, останала шокирана кога ги погледнала фотографиите кои ги направила. На една од фотографиите се гледа опасно животно покрај нејзините деца, но ниту таа ниту децата не ја виделе додека чекореле по патеката.
Ако погледнете подобро, ќе видите змија десно од малечите, но не и било која змија. Тоа е отровна источна кафеава змија.
Фотографијата на Фејсбук ја објавил Бери Голдсмит, кој ја води страницата Snake Catcher Victoria Australia. Фотографиите му се чинеле како совршен доказ дека змиите нема да нападнат доколку на некој начин не бидат испровоцирани.
„Змијата ги видела како доаѓаат и ги гледала како поминуваат без да знаат дека е таму. Ова навистина покажува дека змиите не се агресивни и дека само треба да го почитуваме нивниот мир“, напишал Голдсмит.
Источните кафеави змии ќе се бранат ако бидат вознемирени или заглавени во ќош, но најчесто кога се среќаваат со луѓе избираат да побегнат или да се смират за да не бидат лесно забележани. Според Музејот на Австралија, повеќето од жртвите на источната кафена змија умреле поради нејзиното чувство дека нејзиниот живот и е во опасност.
„Оваа змија предизвикува повеќе смртни случаи од кој било друг вид на змии во Австралија. Бројните каснувања беа директно предизвикани од обидите на луѓето да ги убијат и овие каснувања можеа да се избегнат“, велат тие.
Не е невообичаено да се сретнете со отровна змија во североисточна Австралија. „Во Викторија, каде што живеам, сите змии се отровни, а главни се источната кафеава змија, тигарската змија, австралиската бакарна змија и црната змија со црвен стомак“, изјавил Голдсмит за The Dodo.
Цели 40 години тој се обидува да ги едуцира луѓето за средината во која живеат и змиите со кои го делат тоа. „Се обидувам да ги натерам луѓето да го почитуваат животното наместо да ги плашам. Сакам да го сменам нивниот однос кон змиите“, рекол тој.
Фото: Facebook
МОЖЕБИ ЌЕ ВЕ ИНТЕРЕСИРА:
