Застрашувачко видео од Русија, кое се проширило на социјалните мрежи, предизвикало невиден хаос, а реагирало дури и Министерството за здравство на таа земја.
Дали еден од вашите најголеми кошмари е да се наоѓате во мртовечница меѓу бројни тела кои наеднаш оживуваат? Ако да, подобро да не го гледате приложеното видео, се наведува во текстовите на многубројни светски медиуми кои денеска пренеле една бизарна ситуација.
Имено, на руските социјални мрежи се појавило видео од надзорните камери од една мртовечница, на кое се гледа тело на маж покриено со чаршав како во еден момент “оживува” и станува од масата.
Меѓутоа, иако многумина во коментарите под снимката навеле дека можеби станува збор за шега, страшно е тоа што мажот од видеото изгледа прилично изгубено по “будењето.” Исто така, тој во еден момент го трга чаршавот за да провери дали е облечен или гол, а потоа цврсто се фаќа за рабовите од креветот, како да има потешкотии да стане без потпора.
Засега се знае само дека снимката настанала во Твер, град на западот на европскиот дел на Русија, а изворната снимка анонимно била објавена на канал на Телеграм.
По овој повод реагирало и руското Министерство за здравство, велејќи дека станува збор за лажно видео.
