„Денес не завршува ништо, туку започнува ново поглавје“, порача Зијадин Села на Петтиот конгрес на партијата, која отсега ќе настапува под името Албанска лига. Во своето обраќање пред делегатите и активистите, Села истакна дека претстои период исполнет со работа и организациско јакнење, најавувајќи формирање нови подограноци низ државата.
Тој нагласи дека партијата нема да остане пасивен набљудувач на политичките процеси, туку активно ќе се вклучи во одбрана на правата и интересите на граѓаните. Села се осврна и на актуелните политички случувања во земјата, како и на можноста за идно учество во извршната власт.
На конгресот се обрати и Илире Даути, која истакна дека Алијансата за Албанците под нивното раководство секогаш работела на отстранување на пречките со кои се соочувале Албанците во државата. Според неа, оваа политичка мисија ќе продолжи и во иднина под водство на Зијадин Села.
Даути посочи дека во политиката постојат два вида луѓе – оние кои работат исклучиво за лична корист и оние кои се подготвени да се жртвуваат за доброто на идните генерации. Таа оцени дека нивната политичка определба е насочена кон создавање подобри услови и отстранување на пречките за иднината на заедницата.
МОЖЕБИ ЌЕ ВЕ ИНТЕРЕСИРА:
