Шкендија во последниот напад прими гол и мора да се задоволи само со бод против Јагелонија

Македонскиот фудбалски првак Шкендија остана без победа во 100. минута на вечерашниот меч против Јагелонија во Конференциската лига на УЕФА.

Клубот од Тетово водеше со 1-0 се до длабоко во судиското продолжение кога Лозано со атрактивен погодок го спаси полскиот тим од пораз (1-1).

Избраниците на Јетон Беќири имаат за што да жалат затоа што беа на чекор до втор триумф во оваа конкуренција, меѓутоа фудбалот се игра до последниот судиски свиреж. „Црвено-црните“ се стекнаа со предност во 49 минута кога Љатифи погоди со глава.

Во следното коло Шкендија ќе и гостува на Дрита која вечерва славеше над Шелбурн со 1-0.