На чекор од пласманот на Европското првенство што ќе се одржи во 2024 година се македонските ракометари по вчерашниот убедлив триумф против селекцијата на Турција. Македонската ракометна репрезентација забележа уште една победа во квалификациите за ЕП откако после Луксембург совлада и Турција со 27:36. Нашите ракометари сега имаат две победи од два натпревара во групата 1 во која сме со Португалија, Турција и Луксембург. Со оглед на тоа дека две селекции од групата директно обезбедуваат место на Европското првенство дојдовме на чекор од пласман на уште едно големо натпреварување.
Следен противник на Македонија во евро-квалификациите ќе биде селекцијата на Португалија, во март следната година, и тоа ќе биде прилика за нова потврда на нашата добра форма. Но, претходно нè чека Светското првенство во Шведска и Полска, каде сме во група со Норвешка, Холандија и Аргентина.
На вчерашниот напревар со Турција македонските ракометари од самиот старт тргна моќно, со цврста одбрана и ефикасен напад. Турците цели 13 минтуи не успеваа да го најдат патот до нашата мрежа, а ние во тој период отворивме со неверојатни 0:9. На крајот се покажа дека токму тоа беа минутите во кои ние го решивме прашањето на победникот.
Во продолжение успешно ја одржувавме оваа предност со која и заминавме на полувреме (8:17), иако имавме и +10. Тие +10 беа и највисоката предност во натпреварот.
Во вториот дел Лазаров имаше можност како и против Луксембург да испроба нешто ново. Се што направи Турција е да се доближи до -6 на неколку пати, сепак се забележуваше дека нашите момци го имаат под контрола натпреварот и резултатот.
Талески беше најефикасен кај нас со седум голови, Дејан Манасков постигна пет, а четири додаде Томислав Јагуриновски. Никола Митревски натпреварот го заврши седум одбрани или 50 отсто одбранети удари.
МОЖЕБИ ЌЕ ВЕ ИНТЕРЕСИРА:
