Богатите руски инфлуенсерки почнаа да и оддаваат почит на модната куќа Шанел, која им воведе санкции.
„Ако Шанел не ги почитува своите клиенти, зошто ние мора да го почитуваме Шанел?“
Ова го изјавила руската манекенка Викторија Боња на видеото на Инстаграм, пред да ги земе ножиците и да ја преполови црната прошиена Шанел чанта.
Боња е само една од неколкуте руски инфлуенсери кои се снимале како сечат чанти Шанел.
Тоа го прават во знак на протест, бидејќи неодамна на Русите им беше забрането да купуваат роба од францускиот луксузен бренд поради војната во Украина.
По затворањето на продавниците во Русија, Шанел престана да ги продава своите производи и на луѓе надвор од Русија, кои имаат намера да ги однесат дома – и поради тој потег неколку руски влијателни луѓе ја обвинија модната куќа за „русофобија“.
Телевизиската водителка и актерка Марина Ермошкина, која има 299.000 следбеници на Инстаграм, користела градинарски ножици за да исече темно сива чанта Шанел.
„Ниту торба, ниту една работа не вреди за мојата љубов кон татковината. Не вреди за моето самопочитување. Јас сум против русофобија, јас сум против бренд кој ја поддржува русофобијата. Шанел е само додаток. Соучесник кој во еден момент решил да ги понижува луѓето, моите сонародници, решил да ги дискриминира луѓето по етничка основа, што јас нема да го толерирам. На крајот на краиштата, главната работа се принципите, не она што е во ваши раце, туку она што е во вас“, објаснила таа.
Диџејот Катја Гушева, која има 587.000 следбеници на Инстаграм, изјавила дека ја следела Ермошкин кога со ножици ја исекла својата црна чанта Шанел.
„Отсекогаш сонував да имам чанта Шанел во гардеробата, а тоа се случи минатата година. Но, откако дознав за политиката на брендот кон Русите, решив да ја тргнам чантата од мојот секојдневен живот додека не се промени ситуацијата. Јас сум против русофобија, јас сум против бренд кој ја поддржува русофобијата и дискриминацијата на жените врз основа на националност. Ние, Русинкте сме убави без разлика дали имаме чанта Шанел или не“, вели таа.
Во изјавата за Insider, портпаролот на Шанел рекол дека брендот ги почитува „сите закони“ кои се применуваат за нејзиниот бизнис и за вработените, вклучувајќи ги и трговските санкции.
„Затоа покренавме постапка во која бараме клиентите, чие главно живеалиште не го знаеме, да потврдат дека артиклите што ги купуваат нема да се користат во Русија. Разбираме дека овој процес предизвика разочарување кај некои од нашите клиенти. Во моментов работиме на подобрување на овој пристап и се извинуваме за недоразбирањето што можеби го предизвикало, бидејќи сите наши клиенти, без разлика од каде доаѓаат, се приоритет на Шанел“.
Фото: Принтскрин/Instagram
