Градоначалничката на Париз, Ан Идалго, процени дека јавниот превоз во француската престолнина нема да може да ги задоволи потребите за време на Олимпијадата во 2024 година, наведувајќи го недоволниот број и фреквенцијата на возови на одредени локации.
Градоначалникот на Париз во емисијата „Quotidien“ на каналот TMC тврдеше дека градот нема да биде подготвен во однос на транспортот и отстранувањето на бездомниците од улиците и од под мостовите за време на Игрите.
„Сè уште имаме потешкотии во секојдневниот транспорт и не можеме да го постигнеме потребното ниво на точност и удобност за Парижаните за време на Игрите“. Всушност, има места каде транспортот воопшто нема да биде возможен, бидејќи нема да има доволно возови. Тоа е одговорност на регионот Ил-де-Франс и на владата“, рече Идалго.
Мобилноста во регионот на Париз за време на Олимписките и Параолимписките игри во летото 2024 година е предизвик за властите, кои се обврзаа на 100-процентен пристап до местата за натпреварување со јавен превоз.
Организаторите очекуваат дека на Игрите ќе дојдат речиси 15 милиони гледачи и акредитирани лица.
МОЖЕБИ ЌЕ ВЕ ИНТЕРЕСИРА:
